Nongpoh, Rymphang 17: Ki bor ka Meghalaya State Skills Development Society (MSSDS), Ri Bhoi District, ha ka sngi Ba-ar, ki la pynsdang ia ka programme thungkam lane ka recruitment drive na Nongpoh, kaba la pynlong ha District Library.
Palat 50 ngut ki samla wadkam ki la shimbynta ha ki Interview bad ka jingpyntip kaba bniah shaphang ki kam ki jam kiba ki angnud ban trei hapoh kane ka jylla ne shabar jylla bad wat shabar ri.
U Bah Saibok Khriam, Skills Development Officer u la pyntip ba ka jingthmu jong ka MSSDS, ban pynlong ia la recruitment drive ka long ban ai mynsiem ia ki samla wadkam wadjam ban ioh ia ka lad ba kin iakhun ha ki Interview bad kiwei kiwei khnang ba kin ioh ruh ia ki kam ba ki angnud ban trei ban kyrshan pat ialade.
U la iathuh ruh, ba ki samla kiba ia shimbynta ha kane ka programme kin hap ban register shwa ba kin ioh ia ka jingiasyllok bad ki Counsellors ban ioh jingtip kham shai shaphang ki kam kiba ki angnud hadien pat kin hap ban leh ia ki ar tylli ki interview ha kaba ki nonginterniew kin sa bishar ia ka sap jong ki hashwa ban jied ia ki ban ioh ia ka training.
Ula pyntip ba yn sa pynlong ruh ia kane kajuh ka programme ha Umsning Block ha ka 21 tarik Rymphang bad ha Bhoirymbong Block ha ka 24 tarik. Ka MSSDS ka khot ka wer ia ki samla kiba thrang ban iohkam ba kin wan ban ia shimbynta ha kitei ki programme.
, Ri Bhoi District, ha ka sngi Ba-ar, ki la pynsdang ia ka programme thungkam lane ka recruitment drive na Nongpoh, kaba la pynlong ha District Library.){kind=link}