Shillong Nailar 13: Ka Meghalaya State Legal Services Authority (MSLSA) ha ka Sngi Saitjaiñ kala pynlong ia ka Pension Lok Adalat ha High Court of Meghalaya, Shillong hapoh ka jingialam jong u Chief Justice ka High Court of Meghalaya u Justice Sanjib Banerjee uba long ruh u Patron-In-Chief jongka MSLSA bad kajingbtin lynti jong u Nongbishar u Justice H.S. Thangkhiew uba long u Executive Chairman ka MSLSA bad u Bah E. Kharumnuid, MHJS, Registrar General jongka High Court of Meghalaya bad uba long ruh u Member Secretary ka MSLSA.
Ia katei ka prokram la wan ban iashimbynta lang da u Justice W. Diengdoh, Nongbishar ka High Court of Meghalaya uba long ruh u Chairman ka HCLSC.
Ki Presiding Officer jongka Pension Lok Adalat ki kynthup ia ki Chief Judicial Magistrates kiba long ruh ki Secretary jong ki District Legal Services Authority, Shillong/Jowai/Nongpoh/Nongstoin/Mawkyrwat ryngkat bad ki Judicial Magistrates First Class, East Khasi Hills District, Shillong bad ki Conciliators ki kynthup ia ki Treasury Officer, Officer jongka MFS bad Finance Service Officer kiba la shongthait.
Ha katei ka jingialang la iadonlang u u T.T.M. Sangma, MJS, Officer on Special Duty MSLSA, u Bah S. Lyngdoh, Assistant Secretary ka MSLSA bad ki dkhot jong ka Meghalaya State Legal Services Authority.
Ha ka Pension Lok Adalat, na ki 276 tylli ki mukotduma la lah ban pynkut noh ia ki 83 tylli ki mukotduma.
Pule lang ia kane: I-Day 2023: Bujli u PM ia ka dur ha social media, kyntu ia ki paidbah ban buh dur lama lai rong
Peit lang ia kane
