Pynlong ka DDMA ia ka National Disaster Reduction Day

0
49

Shillong Risaw 29: Hynne ka sngi la pynlong iaka jingrakhe iaka National Disaster Reduction Day ha ka Training Field jong ka Central Training Institute, kaba don ha Mawdiangdiang.

Ha kane ka jingialang la pynkup burom ruh ia ki 202 ngut ki Volunteer kiba la pyndep iaka jingioh jinghikai halor ka Disaster Management/Response lyngba ka Scheme ‘Up-scaling Aapda Mitra’.

Ia katei ka jingai jinghikai la pynlong da ka DDMA naduh u bnai Jymmang haduh u Nailur 2022 bad kine kila leit ruh ban iashimbynta ha kaban ai jingshakri haka por ba don ka jingwan lyngshop jong ka bor mariang bad kila sam ruh ia ki tiar ki tar bad ki mar ki mata kum ka jingai jingiarap haka por ba don ka lanot.

Ka Deputy Commissioner & Chairperson (DDMA), East Khasi Hills District ka kong Isawanda Laloo bad u Jt. Director of Civil Defence, Meghalaya M.K. Sangma kila wan ban iadonlang ha katei ka jingrakhe bad ki la shim ruh ia ka bynta ban pynkup burom ia ki Volunteer kiba la pyndep iaka jingioh jinghikai.