Shillong, Sept 30: Ka Central Puja Committee (CPC), Meghalaya, kala pynlong ia ka 32nd Annual Drum-Beat Competition ne ka jingiakop tem ksing, ha ka sngi Nyngkong ha Sarojini Girls Upper Primary School, R.R. Colony, Shillong.
Ia kane ka jingiakob tem ksing la pynlong da ka R.R. Colony Saradiya Utsav Samiti, ha kaba la sakhi ia ka jingwan iashimbynta bun tylli ki Puja committeebad ki riewshimet na kylleng ka nongbah.
Ha ka jingiakob tem ksing shimet ia ka 1st Prize ne wan nyngkong da u Moniram Das & Subal Das (R.R. Colony Saradiya Utsav Samiti), katba u Biswajit Kinnar & Pulin Kinnar (Rilbong Durga Puja Committee) kila wan baar bad u Mukul Kinnar & Bipul Kinnar (Survey of India Durga Puja Committee) kila wan balai.
Ha kyrdan tem kum ka kynhun ia ka nam lahduh la ioh da ka Rilbong Durga Puja Committee (kaba la ioh ia ka Shiv Kumar Memorial Running Trophy), la wan baar da ka R.R. Colony Saradiya Utsav Samiti bad ka New Colony Durga Puja Committee kala wan balai.
Nalor kane ka Pragati Sangha Sarbajanin Durga Puja Committee, Keating Road, kala ioh ia ka khusnam kyrpang kum ka kynhun kaba lah ban pynshongshit bad pynbyrngia.
Ka CPC kala pynbna ruh ba baroh kiba la iashimbynta ha kane ka jingiakob na ki Durga Puja Committees ha Shillong kin ioh mar T.1,000 kum ka Consolation Prize.
Ia ka Shiv Kumar Memorial Running Trophy, ryngkat bad ka song tyngka bad ki takma na ka bynta ka kynhun lahduh, la noh synniang da u Ajay Agarwal na Lama Villa, Shillong, kum ka dak ban kynmaw burom ia la u kpa uba la khlad noh u Shiv Kumar Agarwal.
, Meghalaya, kala pynlong ia ka 32nd Annual Drum-Beat Competition ne ka jingiakop tem ksing, ha ka sngi Nyngkong ha Sarojini Girls Upper Primary School, R.R. Colony, Shillong.){kind=link}