Shillong, Nohprah 04 : U Chairman-cum-Managing Director ka Meghalaya Energy Corporation Limited (MeECL) Sanjay Goyal ha ka sngi Palei ula pynshai ba ka jingpynlip bording khari khari ha ka Jylla ka dei namar ki kam maramot ym ba pyntreikam ia ka load shedding.
Haba kren sha ki lad pathai khubor, u Goyal ula ong “Donkam ban hap pynlip ia ka bording, ngi la pyntrei shibun ki kam hapoh ka RDSS bad kiwei ki skhim ban pynheh ia ki lain. Ym lah satia ban leh haba don ding, ngi la pynmih ia ki jingpyntip man ka sngi ha ki kot khubor”.
U Goyal ula batai ba ka jingpynlip bording ka long kaba donkam ban maramot bad pynkhlain ia ki jingdon jingem bad ki jingtei bording, haba bynrap “Dei tang kane hi ka aiom kaba ngi lah ban trei. Kan dang iai bteng ha ki katto katne ki shnong hala ki jong ki jong ki tarik”.
Ula ban jur ba ym pat pyntreikam satia ia ka load shedding haba bynrap “Kane kam dei ka load shedding. Ka jingpynlip bording ka lah ban dei namar kiwe ki daw kum ka jingkem ding ki meter, bad ngi hap ban ot ia ka lain bad weng ia ki waiar”.
U Goyal ula kyntu ia ki nongshongshnong ba kin iai shah ia kane ka jinglip bording bad ong “Phi hap ban ai ka por ia ka MeECL ba kan maramot bad pynkhlain ia ka lain. Ia u soh phin sa iohi hadien shisnem haba khie ka lyer ba jur bad kan nym don satia ka jinglip bording”.
Ka MeECL kala pyntrei ia shibun ki kam kynthup ka jingpyndait sa 2500 tylli ki transformer, 4500 km ka lain thymmai bad bujli ia 1000 km ki waiar.
U Goyal ula kualr ba ka tnad kan pyrshang ban pynduna ia ka jingpynlip bording khamtam ha ka por ba long eksam.
 Sanjay Goyal ha ka sngi Palei ula pynshai ba ka jingpynlip bording khari khari ha ka Jylla ka dei namar ki kam maramot ym ba pyntreikam ia ka load shedding.){kind=link}