Shillong, Jymmang 31: Ka Meghalaya Power Distribution Corporation Limited (MePDCL) kala pynbna ba kan don ka jingpynlip ia ka bording elektrik ha ki katto katne tylli ki jaka ha nongbah Shillong ha ka 1 tarik Jylliew.
Kane ka jingpynlip bording kan treikam naduh ka por 10 baje mynstep haduh 4 baje janmiet.
Ka daw jong kane ka jingpynlip bording kadei namar ki kam maramot ia ka 132/33 KV Mawlai grid sub-station bad ka 33/11 KV sub-station.
Hynrei lada ia katei ka kam la lah ban pyndep noh kham kloi, yn sa pynmeh noh mardor hi ia ka bording elektrik hashwa jong ka por kaba la buh.
Ki shnong kiban shah ktah ki kynthup ia ka Mawprem baroh kawei, Upper Mawbah, Lower Mawbah, TB Hospital, Lummawbah, lewduh, Mission badnki shnong kiba marjan ka Wahthabru, Sunny Hill, Quallapaty, Lumdiengiri, ki bynta jongka Jaiaw Langsnging, Lama Villa, Garikhana, MES, Upper Lachumiere, Lower Lachumiere, ha baroh kawei ka shnong Laban, Lumparing, Madan Laban, Nong Malki, Oxford, Keating Road, ki bynta jongka Police Bazar bad Umsohsun, baroh kawei ka Malki, ki bynta jongka Dhankheti bad ka Cleave Colony bad ha baroh kawei ka Umlyngka bad Nongkseh.
 kala pynbna ba kan don ka jingpynlip ia ka bording elektrik ha ki katto katne tylli ki jaka ha nongbah Shillong ha ka 1 tarik Jylliew.){kind=link}