Shillong, Lber 20: Ka West Jaintia Hills District Cricket Association hynnin ka sngi kala pynliem noh iaka East Khasi Hills Cricket Association da 9 Wickets haka jingialehkai Cricket U-14 Girls Inter District Cricket T20 2023 ka ba la long Nongpyndeng, West Khasi Hills.
Ha kawei pat ka jingialehkai hapdeng ka Shillong Cricket Association bad ka West Khasi Hills District Cricket Association la hap ban pynsangeh noh namar ka jingwan lyngshop u slap.
Haka jingialehkai hapdeng WJH pyrshah iaka EKH, iaka jingialehkai la pynlong noh tang 12 over bad haba tied nyngkong ka EKH kala kamai 59/3 bad ka Sweetcemary Khongthiang kala kamai marwei 16 Run bad naka liang ka WJH ka Sawakahi Syngkon, ka Linimandakini Ksoo bad ka Sareeka Jat kila khur mar 1 Wicket.
Haba beh iaka thong, naka liang ka EKH kala khur Wicket tang hala Ball ba 2 hynrei ka WJH kala jop lyngba ka jingialehkai bha ka Anastesia S Shullai ka ba la kamai marwei 29 Run khlem Out.
