Shillong, Iaiong 27: Ka Rangadjied United FC kala bteng biang ban khur ia ka jingjop ha ka Shillong Premier League 2023 da kaba pynrem ia ka Mawlai SC da 2-1 ha ka jingiakhun kaba la lng ha ka sngi Thohdieng SSA Stadium, First Ground Polo.
Ka Rangdajied, kala ialehkai tang 10 ngut ki nongialehkai hadien ba u Arlangky Nongsiej ula ioh Red Card namar ka jingiania bad u Referee hynrei kane ka jingjia kam shym la pynduh mynsiem pat ia ki rangialehkai ka Rangdajied.
Ka Rangdajied kala kamai 18 point na k I 6 tylli ki jingiakhun bad kala bat iaka kyrdan kaba nyngkong da kaba tam syndon da 5 point ia ka Mawlai bad ka Rangdajied kan pynkhreh ban iakhun ia ka Semi Final ha ka 7 tarik u Jymmang pyrshah ia ka kynhun kaba wan haka kyrdan kaba 4, katba ka Semi Final kaba baar kan long ha ka 8 tarik u Jymmang ha kaba ka jingiakhun kan long hapdeng ka kynhun kaba la wan ha ka kyrdan ka ba ar bad ba lai.
Haba phai sha ka jingiakhun ka RUFC kala ioh thep 2 kol lygba u Aenam Jyrwa ha ka minit kaba 37 bad u Basuk Bina ha ka minit kaba 63 katba ka Mawlai kala ioh thep shi kol hashwa ban kut ka jingiakhun lyngba u Arkibor Makhroh ha ka 90’+2.
Ka Mawlai kala ioh ia ka Penalty ha ka minit kaba 86, hynrei haba u Brolington Warlarpih ula leit ban shut ym shim la lah ban thep ia ka kol na ka jingtbit u nongapkol ka RUFC u Kerichard L Marshillong.
Ka jingiakhun mynta ka Sngi Saitjain kan long hapdeng ka Sawmer SC pyrshah ia ka Shillong Lajong FC ha ka por 3:15 mynsngi.
