Shillong, Lber 08: Ka NorthEast United FC hynne ka sngi Saitjain kala pynrem ia ka East Bengal FC da 4-0 ha ka Indian Super League (ISL) 2024-25 kaba la long ha Jawaharlal Nehru Stadium, Shillong hapdeng ka jingwan sakhi ki paidbah na kylleng ki bynta jong ka jylla.
Kane kadei ka sien kaba 10 ba ka NEUFC kan khur ia ka jingjop bad kala kamai mynta 38 point bad kadei ruh ka jingkhun kaba 8 sien ba kala ioh ban thep palat ia ka 3 kol bad kadei ruh ka sien kaba nyngkong ia ka NEUFC ban jop ia ka ISL ha ka jingiakhun kaba la long ha nongbah Shillong.
Ha ka kylla step ka East Bengal FC kam shym la ioh than ia ki kabu ban thep kol, hynrei u Cleiton Silva jong ka NorthEast United FC ula pynma lyngba ka jingshut ka jongu ia ka free-kick ha ka minit kaba 22 ha kaba ka bol kala leit dei ia u diengkol.
Ka NorthEast United FC kala bteng ban ialehkai bha bad haba u Alaaeddine Ajaraie ula ioh ia ka bol ula shut sha u Nestor Albiach kumta u Nestor ha ka minit kaba 32 ula shut ia katei k bol, hynrei u nongap kol ka East Bengal FC u Debjit Majumder ula ioh ban iada ia katei ka bol ban ym rung shapoh kol.
Dei ha ka minit kaba 59 ba u Nestor ula shut ia ka bol na jngai bad katei ka bol kala leit rung shapoh kol bad kala ai mynsiem ia ki nongialehkai ka NEUFC ban bteng ban ialehkai bha shuh shuh.
U Ajaraie ula ioh thep ia ka kol ha ka minit kaba 66 wat hapdeng ka jingbun ki nongialehkai kiba la ialum hapoh jong ka box.
Hadien kane, u Tanmay Das ula pynur ia u Ajaraie hapoh ka Box bad haba u Ajaraie ula leit shut ia ka penalty ym shim la pynleh noh ei bad ula thep ia ka kol ka baar ka jongu ha ka minit kaba 79.
U Tanmay ula hap ban mih noh na ka madan ialehkai hadien ba ula ioh ia ka Red Card na ka jingleh da ka bormet ia u nongialaehkai ka NEUFC ha ka minit kaba 84.
Ka NorthEast United FC kla bteng ban tur shakhmat ban pyrshang ban thep kol bad kane ka jingpyrshang kala seisoh ha ka 86 minit ha kaba u Mohammed Ali Bemammer ula ioh ban thep ia ka kol na ka bynta ka NEUFC.
Ka NorthEast United FC mynta kan bteng ban iakhun sa ia ka Playoffs jong ka ISL hynrei ka East Bengal FC kala kut noh ka jingiaid lynti ka jongka ha ka jingiakhun ia ka ISL.
 2024-25 kaba la long ha Jawaharlal Nehru Stadium, Shillong hapdeng ka jingwan sakhi ki paidbah na kylleng ki bynta jong ka jylla.){kind=link}