Umsning, Rymphang 28: Ka Glenmark Foundation ryngkat bad ka Society for Action in Community Health (SACH) hynne ka sngi Saitjain kila pynlait paitbah ia ka kali kaban ai jingsumar ia ki paitbah ha ki shnong nongkyndong ia kaba la tip kum ka “Health on Wheels”, ka Mobile Medical Unit.
Ia kane ka project la wan ban plie paidbah da u MLA ka Umsning Constituency u Dr. Celestine Lyngdoh, ha ka jingiadonlang u Sampath Kumar u Principal Secretary ka sorkar jylla, ka Sweta Monjal ka Chief Communication bad CSR Officer ka Glenmark Pharmaceuticals, u KP Rajandran na ka liang ka SACH bad kiwei kiwei na ka Tnad ka Koit ka Khiah.
Kumba la maitphang, lyngba kane ka project la angnud ban pynkhlain bad ban pynpoi ia ki lad ai jingsumar kiba kyrkieh sha ki 20 tylli ki Shnong hapoh Ri Bhoi District, khnang ba ki paitbah kin ioh ia ka jingsumar kaba paka khamtam ki longkmie kiba punkhun, ki khyllung khynnah, kiba la rangbah ki bym lah ban poi sha ki jaka ai jingsumar namar ka jingjngai bad ka jingbym biang ka ioh ka kot khamtam sha ki shnong nongkyndong.
Haba kren ha kane ka sngi, u Dr. Celestine Lyngdoh u la pynpaw ia ka jingkmen bad ai jingiaroh ruh ia ki nongpyniaid ka Glenmark Foundation bad SACH kiba la wanrah da kane ka project ban pynpoi ia ki lad ai jingsumar sha ki shnong nongkyndong hapoh kane ka district kaban long ka jingmyntoi shikatdei eh ia kito ki riew paitbah kiba donkam ia ki jingsumar kiba kyrkieh bad kiba paka.
U la pynpaw ruh, ba kane ka sienjam ba la shim lyngba kine ki kynhun ban wanrah ia ki Mobile Medical Unit kan long shisha ka lad ban pynjan ia ki paitbah sha ki lad jingsumar kiba paka bad ruh ka jingpynkhlaiñ ia ki jingsumar bapher bapher ha ki shnong nongkyndong, da kaba kitbok ruh ba kane ka project kan long shisha ka jingkyrkhu ia ki paitbah ha ki shnong nongkyndong.
 hynne ka sngi Saitjain kila pynlait paitbah ia ka kali kaban ai jingsumar ia ki paitbah ha ki shnong nongkyndong ia kaba la tip kum ka "Health on Wheels", ka Mobile Medical Unit.){kind=link}