Shillong, Naiwieng 18: Ka Sorkar Meghalaya kala sdang pyntreikam ia ka Meghalaya Electric Vehicle (EV) Subsidy Portal, kaba pyni ia ka sienjam kaba kongsan ban kyntiew ia ka jingpyndonkam ia ki kali ki bym pynmih tdem ha Jylla.
Kane ka Portal, kaba la wanrah da ka Transport Department hapoh ka Meghalaya Electric Vehicle Policy, 2021, ka thmu ban pynbeit bad ai ryntih ia ka subsidy sha ki trai jong ki kali elektrik.
Kane ka sienjam kan pynlah ia baroh ki trai jong ki kali elektrik kiba la rejistar hapoh Meghalaya ban aplai ia ka Subsidy lyngba katei ka rynsan kana la pynkhreh. Ki Bor pyniaid kila kyntu ia ki nongshong shnong ba kin pyndep mardor ia ka registration.
Kum shi bynta jongka jingpyniaid shakhmat, ki trai jong ki kali elektrik ki hap ban rejistar ha ka Portal hapoh 3 bnai jong ka jingsdang ia ka jingpyntreikam ha ka 18 tarik u Naiwieng 2025. Ka sorkar kala pynshai ba ia ki jingdonkam bad ia ki jingtip kiba bniah lah ban ioh na ka website jong ka Transport Department : www.megtransport.gov.in.
Ka jingsdang ia ka EV Subsidy Portal kadei kaba la khmih lynti ban pynkloi ia ka jingpyndonkam ia ki kali elektrik ha kylleng ka Meghalaya ban pynthikna ba kan don ruh ka jingkhuid jingsuba ha ka jingpyllait ia ka subsidy sha ki trai kali.
 Subsidy Portal, kaba pyni ia ka sienjam kaba kongsan ban kyntiew ia ka jingpyndonkam ia ki kali ki bym pynmih tdem ha Jylla.){kind=link}