Shillong, Iaiong 07: Ka Meghalaya Football Association (MFA) ka la pyllait iaka thup ki nongialehkai (Player) kiba la ioh jingmynjur ban shah die shah thied (Transfer) hapdeng ki district na ka bynta u snem 2026.
Ki don 278 ngut ki nongialehkai baroh kiba la Apply bad kiba la pyndep ia ki kyndon jong ka jingshah thied shah die.
Kala don ka jinghiar ka jingdon ki nongialehkai na ka 329 ngut ha u snem 2025 hynrei ka dang kham bun kata 122 ngut ha u snem 2024.
Ka iew iadie iathied (Transfer Window) ka la kut ha ka 31 tarik Lber.
Ki kynhun kiba ïasoh bad ka Shillong Sports Association ki la soi ïa ki 80 ngut ki nongïalehkai na kiwei pat ki Association jong ki district.
Ki klob kiba iasoh bad ka Thadlaskein Sports Association (56) bad ka East Jaiñtia Hills District Football Association (42) ruh ki la shim bynta bha haka jingiathieid iadie Player.
Ki klob kin sa pyndonkam ïa ka transfer window ban pynkhlaiñ ïa la ki jong ki kynhun ha shwa ki jingialehkai hala ki jong ki District na ka bynta u snem 2026 hashuwa ka lympung 5th Meghalaya State League kaba la pynlong da ka MFA na ka bynta ki klob kiba don ha ka kyrdan ba ha khlieh duh ha ka jylla, ka ban sdang ha kaba kut jong une u bnai.
U General Secretary ka MFA u Sunesh Syiem u la pynkynmaw ïa baroh ki Association jong ki district ba ym don uwei ruh u nongïalehkai uba lah ban ïalehkai na ka bynta palat ïa kawei ka district sports association ha ka shisnem. “Sngewbha kynmaw ba lada lap ba don kino kino ki nongialehkai kiba pynkhein ia kine ki kyndon, u nongialehkai bad ka District Association kin iakynduh ia ka jingshah pynshitom ha ka MFA” u la bynrap.
 ka la pyllait iaka thup ki nongialehkai (Player) kiba la ioh jingmynjur ban shah die shah thied (Transfer) hapdeng ki district na ka bynta u snem 2026.){kind=link}