Shillong, Iaiong 07: Ka North Eastern Indira Gandhi Regional Institute of Health & Medical Sciences (NEIGRIHMS) ha ka jingiatreilang bad ka Meghalaya State TB Control Society, ka la lah ban pynlong 2 tylli ki jing sumar ei kum shi bynta jong ka “100 Days TB Campaign”.
Iaki Campaign la pynlong ha ka 4 tarik u Iaiong bad 6 tarik Iaiong ha Nongmensong bad Mawryngkneng kum shi bynta ban ïakhun pyrshah ïa ka jingpang TB lyngba ka jingïatreilang bad ki paidbah nongshongshnong.
Ha kine ki jingai sumarei, la peit bniah ia ki 116 ngut ki briew, ha kaba la iathuh ba la lap 17 ngut kiba don jingpang TB, bala lap lyngba ka jingleh X-ray, bad eksamin na shyntur bad la pynthikna ban eksamin kham bha shuh shuh iaki.
“Ngi iaroh ia ki jingpyrshang ba la leh da ka NEIGRIHMS. Kine ki Camp ki pyni ia ka sienjam kaba kongsan ha ka ‘100 Sngi TB Campaign’, kaba pynpaw ia ka jingtreikam jong ka jingiatreilang hapdeng ki jaka sumar bad ka tnat koit ka khiah jong ka Jylla,” ong u Prof Nalin Mehta, Director ka NEIGRIHMS.
Ki Camp ki la ai ruh ïa ki jingpeit bniah bad eksamin ïa ka koit ka khiah ba kyllum, kaba la ai jingmyntoi ïa ki 32 ngut ki riew paidbah. Ka jingthmu ka pyni ia ka jingaiti ban shakri ha ka koit ka khiah naka bynta ki paidbah, kaba iaid wat shabar jong ka jingpeit bniah ia ka jingpang TB.
Ka Campaign ka pyni ïa ka jingïatreilang hapdeng ka NEIGRIHMS bad ka Meghalaya State TB Control Society, ryngkat kiba don ka jingsngewkhia haka koit ka khiah.
 ha ka jingiatreilang bad ka Meghalaya State TB Control Society, ka la lah ban pynlong 2 tylli ki jing sumar ei kum shi bynta jong ka "100 Days TB Campaign".){kind=link}