Shillong Lber 22: Ka tnad pohiing ka jylla hynne ka sngi kala pynkynriah kam biang ia ki heh pulit ka jylla bad kala wanrah biang ia u Bah Sylvester Nongtnger kum u SP ka East Khasi Hills bad ia u Bah Vivek Syiem kum u SP City.
Katkum ka jingpynbna, na ka bynta ka bha ka miat ha ka kam shakri paidbah bad katkum ka jingai jingmut jongka Civil Services Board (CSB) ia u Dr Raghavendra Kumar MG u SP ka EKH la pynkynriah kam bad thung noh kum u SP ka CID, Shillong katba ia u Dara Aswaghosh la pynkynriah kam noh bad thung noh kum u SP Traffic ka EKH.
Ia u Bah S Nongtnger uba bat kum u SP jongka F&ES la pynkynriah kam bad thung biang kum u SP ka EKH.
U Bah Vivek Syiem uba bat kum u Assistant Inspector General of Police, la pynkynriah biang mynta kum u SP City ka EKH katba ia u Ringrang TG Momin la thung noh kum u SP jongka F&ES, Tura.
Nalor kane la pynkynriah kam ruh ia u SP ka West Khasi Hills u Darwin M Sangma bad la thung noh kum u SP ka F&ES, Shillong.
Ia u Commandant ka 3rd MLP Batallion, Khliehtyrshi West Jaintia Hills u Bah Chemphang Syrti la pynkynriah bad thung noh kum u SP ka WJH katba ia u Bikram Marak la pynkynriah bad thung noh kum u SP ka WKH.
Ia ka thup pynkynriah kam ba pura, sngewbha pule hangne:
