Shillong, Nailur 26 : Ka Iingkashari Meghalaya High Court kala pynkynriah ia ka mukotduma Public Interest Litigation (PIL) ba iadei bad ki ksew surok sha ka Iingkashari Supreme Court, hadien ka jing bthah jong kane ka Iingkashari ba halor duh ka Ri.
Ka mukotduma, PIL No 4 of 2024, ka dang sahteng hapoh ka High Court, kaba la bat ban bishar ia kane ka kam namar ka jinglong kaba iapher na kiwei.
Ka Iingkashari Supreme Court, ha ka hukum ba 22 tarik Nailar, 2025, kala bthah ba baroh ki mukot duma na ki High Court halor ki kam ksew surok, dei ban phah noh sha ka Surpeme Court ba kan ioh ban shim rai.
Ka Division Bench ba kynthup ia u Acting Chief Justice HS Thangkhiew bad Justice W Diengdoh, kila khot biang ia ka hukum ba pynmih ha ka 30 tarik Nailar, 2025, bad bthah ia u Register ban phah noh ia kikot ki sla jong ka PIL sha ka Supreme Court kham kloi kat kaba lah.
Ka rai jong ka Iingkashari ban phah noh ia ka mukotduma sha SPka dei kaba la shim hadien ka jingsngap ia ka jingpynsngew jong u Advocate General bad u Senior Advocate Kaustav Paul, uba la wan mih hi dalade.
Baroh ki liang mamla kila sngew dei ba ia kane ka mukotduma, dei ban phah noh sha ka Supreme Court namar ka jingdon ka hukum jong ka.
 ba iadei bad ki ksew surok sha ka Iingkashari Supreme Court, hadien ka jing bthah jong kane ka Iingkashari ba halor duh ka Ri.){kind=link}