Shillong, Nailur 11: U Symbud Myntri Rangbah ka Jylla Bah Prestone Tynsong, uba don hapdeng ka jingshitom, ula don mynta ha lynti sha Delhi, ban leit sumar ha ki jaka sumar kiba kham paka ha katei ka Nongbah jong ka Ri.
Ki bahaiing hasem kila pynkit hynne ka sngi Balang ia u Symbud Myntri Rangbah sha Delhi na Nazareth Hospital, Shillong.
Kum ban shu pynkynmaw, u Bah Prestone Tynsong ula poi thiah hospital ha ka sngi Nyngkong jong ka taiew hadien ka jingkiew kynsan jong ka Blood Pressure.
Ia u Bah Prestone la buh ha Intensive Care Unit jong ka Nazareth Hospital ban iohkhmih bniah da ki doktor bad ki nos.
La iathuh ba u Symbud Myntri Rangbah ula kham iohbor mynta bad ka Blood Pressure ruh kala kham hiar bad dei halor kane ka nongrim, bala pynkit noh ia u sha Delhi ban ioh ia ka jingsumar ba kham paka.
