Shillong, Rymphang 14 : Ka Khasi Hills Autonomous District Council (KHADC), kala rai ban pynkynriah biang ia ka Monolith Festival sha u bnai Lber 2024.
Kane ka rai ka dei kaba la shim da ka Coordination Committee Monilith Festival 2024, kaba shong jingialang kyrkieh myn ha ka sngi nyngkong ha KHADC ha ka jingiadonlang ki EM, ki MDC, ki Nongmihkhmat naka Hima Mawphlang, ka Event Management Team bad kiwei kiwei.
Lah ban kdew hangne, ka KHADC kala buh nyngkong eh ban pynlong ia ka Monolith Festival ha ka 1 tarik Rymphang haduh ka 3 tarik Rymphang. Hynrei hadien, kala pynkynriah ban pynlong noh sha ka 22, 23 bad 24 tarik Rymphang.
Mynta pat, la ong ba na ki daw ki bym lah kiar, la pynkynriah noh ia kane ka tamasa sha ka 7, 8 bad 9 tark u Lber 2024.
