spot_img

Pynkynmaw ka HNYM ia u DyCM ba pyrshah ban pynkylla jaka theh niut ha Nonghali

Date:

Share post:

Shillong, Risaw 03: Ka seng Hynniewtrep National Youth Movement (HNYM) hynne ka sngi Ba-ar, kala phah biang daka dorkhas sha u Symbud Myntri Rangbah ka jylla ba khmih ia ka Tnad Pynroi Sor bah Sniawbhalang Dhar, ban pynkynmaw halor ka jingpyrshah ban thaw ia ka jaka theh nuit thymmai ha Nonghali, East Khasi Hills.

Haka dorkhas, ka HNYM ka pynkynmaw ba ka sorkar jylla lyngba ka tnat pynroi sor ka don jingthmu ban thied jaka ha Lumsohlait kaba don hapoh ka shnong Nonghali ban pynkylla jaka theh nuit.

Ka seng kala pyntip ruh ba haka 24 tarik Nailur ka tnat pynroi sor kala leit jurip ia kane ka shnong khlem da kynjoh ktien iaki nongshong shnong Nonghali kiba ieng skhem ban pyrshah jur ia kane ka jingthmu ka sorkar jylla ban pynkylla Marten ba ar ia kane ka shnong.

“Ka jaka Lumsohlait hapoh ka shnong Nonghali ka jngai tang 500 metres na shnong ba sah briew bad katkum ka ain Waste Management Act ka sorkar jylla, ym shah ban pynlong jaka theh nuit haki jaka kiba don ka jingjngai tang 800 meter na jaka sah briew” la ong ka dorkhas ka HNYM.

Haba iadei bad kane ka HNYM ka dawa na u symbud myntri rangbah ka jylla u bah Sniawbhalang Dhar ban jubab iaka dorkhas haba iadei bad ka jingthmu ka tnat pynroi sor ban pynkylla jaka theh nuit hapoh Lumsohlait kaba don hapoh ka shnong Nonghali lym kumta ka seng bad ki paidbah nongshong shnong kin mih ban iakhih.

Share post:

spot_img
spot_img

Popular

More like this
Related

BCCI Women U-19 Trophy | Pynbna ka MCA ia ka Kynhun | Yn ialam ka Jayshree Singh

Shillong, Nailur 26: Ka Meghalaya Cricket Association (MCA) ka...

SPL | Pynliem ka Sawmer SC iaka Mylliem da ki ar kol u Michaelson

Shillong, Nailur 26: Ka kynhun ialehkai ka Sawmer SC...

Assam | Khot hajir ka SIT ia u Shyamkanu, Siddhartha ban wan sha ka jingtohkit hapoh 10 sngi

Guwahati, Nailur 26: Ka Special Investigation Team (SIT) jong...

Pynbna ka NGEA ban weng noh ia ka jingiakhih | Pdiang ia ka jingtyrwa ban siew ia ka tulop ba 12 bnai

Shillong, Nailur 26: Ki nongtrei Garo Hills Autonomous District...