Shillong, Rymphang 28: Ka Indian Army hynne ka sngi kala pynbna ba kala don ka jingpyn kylla haba iadei bad ka jingthep kam ban long shipai naka bynta ka kam Junior Commissioned Officers (JCOs)/Other Ranks (ORs).
La pyntip ba ki don lai bynta haba iadei bad ka jingthep kam shipai ba kynthup ka eksamin kata ka common entrance exam (CEE), ka Physical Fitness Tests bad ka Physical Measurement Tests bad ka Medical Test.
Ki samla ba kwah thep kam Shipai kidei ban pynrung kyrteng lyngba ka online hapoh ka website joinindianarmy.nic.in bad kin hap ban iakhun iaka eksamin common entrance exam (CEE).
Watla kala don ka jingpynkylla iaka rukom thep kam hynrei ka Syllabus jong ka eksamin kan long beit kumjuh.
La pyntip ba ka Website joinindianarmy.nic.in ka la plie noh naduh 16 tarik Rymphang haduh 15 tarik Lber 2023 bad ki samla ki lah ban pynrung kyrteng lane Register hapoh kane ka Website daka pyndonkam iaka Aadhar Card, Class X Certificate.
Kino kino ki samla kiba shah jied hadien ka eksamin CEE kin shah khot sha ka Recruitment Rallies bad ka jingjied iaki samla shaka kam Shipai kan dei beit katkum ka jinglah jong ki iaka eksamin CEE bad Physical Test.
