Shillong, Naiwieng 16: Ka Sorkar Jylla kala pynkyrteng thymmai ia ka Tnad Labour sha ka Tnad Labour, Employment and Skill Development.
Ia kane ka rai la mynjur da ka Kynhun Myntri kaba shong jingialang hynne ka sngi Palei.
Haba iakren bad ki nongthoh khubor, u Myntri Rangbah Conrad K Sangma ula ong ba ka tnad Labour ka dei ruh kaba peit ia kiba bun ki kam jong ka thungkam thungjam bad kiba bun ki kam jong ka Skill Development.
“Namar kata, ngi shem ba kan iahap bha ba ka kyrteng jong kaTnad Labour kan long kaba kham iar. Kumta ngi la rai ban pynkylla ia ka kyrteng sha ka Tnad Labour, Employment bad Skill Development” ula ong.
