Baksa, Nohprah 10 :Uwei u nonghikai skul ha Baksa district ka Assam la kynnoh ba ula pynkut noh iala ka jong ka jingm hapoh ka painkhana jong ka skul ha ka 9 tarik mynta u bnai.Ia une u nonghikai la tip kyrteng kum u Pankaj Kumar Das.
Katkum ki khubor la ong ba kane ka jingjia kala jia hapoh ka 324 Govardhana Primary School ha kaba u Pakaj u dei uba trei kum u nonghikai.Lah ban kdew ba ki bor pyniaid skul kila sakhi ba une u nonghikai ula phasi noh ia lade hapoh ka painkhana jong ka skul.Watla katta ym pat lah ban tip thikna ia ka daw kaba la pynlong ia une u nonghikai ba un pynkut noh iala ka jong ka jingim.
Na ka liang ki bor pulit kila wan poi ha kane ka jaka bad sdang ban pynlong ia ka jingtohkit.U Pankaj Kumar Das u dei na Rowli kaba hapoh Sarthebari jong ka district.
Kham hashwa, kata ha ka 2 tarik mynta u bnai, kawei ka samla pule jong ka Cotton University, Guwahati kala pynkut noh iala ka jong ka jingim hala ka jong ka iingsah ha Goreswar kaba hapoh Baksa district ka Assam.
Katkum ki khubor kane ka samla ka dei kaba dang pule ha ka fifth semester hapoh Cotton University ha kaDepartment of Mathematics.
Kane ka samla pule ka dei ruh kaba sah hapoh ka Swahid Kanaklata Girls Hostel, hynrei hadien la pynkynriah noh ia la shapoh ka private Paying Guest (PG) hashwa ba katei ka jingjia ba sngewsih kan wan jia.
