Shillong, Risaw 28: U Myntri Rangbah ka jylla u Conrad K Sangma hynne ka sngi ula pynkup burom ia ki nongsengkam lajong haka prokram ‘Meghalaya Celebrating Entrepreneurs’, kaba la long ha State Convention Centre, Shillong.
Today we celebrate our entrepreneurs of our grassroots programs under M-LAMP, FOCUS & @meghtourism.
We are so glad that the funds through our programs have sparked their entrepreneurial spirit & have made significant impact in the lives & livelihoods of our people@dpradhanbjp pic.twitter.com/SGDnl7IR8S
— Conrad Sangma (@SangmaConrad) October 28, 2022
Ha kane ka prokram la wan ban iashimbynta da u Country Program Officer, IFAD, Meera Mishra.
U Conrad Sangma ula ong, la pynlong ia ki prokram ki bapher haka jylla na ka bynta ki samla, longkmie, nongrep bad ki nongseng kam lajong da ka jingthmu ban pynlong iaka Meghalaya kum ka jylla kaba don shakhmat eh haka ri.
“Ka jingangnud ban pynlong iaka Meghalaya kum kawei naki jylla kiban don hakhmat eh kadei ka thong kaba pynlong ia ngi ha baroh ki liang ban pyrshang ban trei bad ngi la sngewthuh ba na ka bynta ban pynurlong ia kane bad katba kam pat don ka jingkiew haka ioh ka kot ha ki shnong ki thaw ngin ym lah ban pynurlong iakatei ka jingthmu” ong u Conrad.
Ula ong, ban ia trei bad ki nongrep bad ki nongseng kam lajong ha ki thain nongkyndong ka long kaba donkam ban don iaki kynhun kiba ryntih kiban iarap ia ki paidbah.
In these 4.5 years, the channel through institutional set ups like the IVCS Cooperative Societies, Producer Groups, Self Help Groups have ensured the benefits of our programs reach the people at the grassroot.
— Conrad Sangma (@SangmaConrad) October 28, 2022
“Ki Integrated Village Cooperative Societies, ka kynhun jong ki nongpynmih ia ki mar ki mata ki long kum ki shlem ban pyniaid shakhmat iaka rukom treikam bad ban pynthikna ba ki prokram ki bapher kin ai jingmyntoi kin suh thied hapoh ki shnong ki thaw” ong u Myntri Rangbah bad ka ong, ki nongseng kam lajong ki long kiba kongsan ha kaban pyniaid ryntih ia kano kano ka kynhun treikam ha baroh ki liang la ka long ban lum, ban pynmih ne pyniaid iew ia ki mar ki mata haka dor kaba heh ia kaba u nongrep shimet u lah ban die.
“Ka sorkar kadei tang ka nongprat lynti hynrei kidei ki paidbah, ki nongrep bad ki nongpynmih ia ki mar ki mata bad nongseng kam lajong ban pyniaid shakhmat iaka rukom treikam” ong u Conrad.
Ula ong, ka Service Sector kadei kaba pynmih bad ia kilad ban kamai jakpoh na ka bynta ki pateng ban dang wan bad da ka jingdon ia ki lad kiba biang ha ka liang ka kam jngohkai bad ka Information & Technology kin long kiba kongsan bha ia ki paidbah ka jylla.
U Myntri Rangbah ula sam iaki Cheques sha ki Best Producer Groups, Best Integrated Village Cooperative Societies, Best Collecting Centers, Best Ginger Processing Units bad ula sam ruh iaka jingbhah tyngka sha ka Meghalaya Ateliers Program lyngba ka Meghalayan Age for handicrafts and Culinary Ateliers Program bad haka juh ka por ula sam ruh ia ka bhah tyngka sha ki nongioh jingmyntoi lyngba ka Homestay Scheme jong ka tnad Tourism.
