Tura, Naiwieng 17 : Ki Nonghikai skul Primary kiba don ha la lama jong ka All Garo Hills Primary Teacher’s Association (AGHPTA) kila pynkup burom ia u Myntri Rangbah ka Jylla Conrad K Sangma ha ka sngi palei ha South Garo Hills.
Kane ka synjuk ki Nonghikai kala pynpaw ia ka jingsngewnguh ia u Myntri Rangbah namar ka jingpynurlong ia ka jingdawa bala slem bha jong ki-kata ban thungkam noh ia ki kum ki nonghikai Sorkar.
We are glad that the NPP-led MDA Govt. took the onus to fulfill the demands of our Garo Hills’ Primary Teachers who were deprived of services and benefits they rightfully deserved.
Truly humbled by their gesture of felicitating me today. May they further nurture our children pic.twitter.com/tGKb1ew6GI
— Conrad Sangma (@SangmaConrad) November 17, 2022
Lah ban kdew hangne ba ha u snem 1994, ka Sorkar Jylla kala shimti ia ki skul LP na ki Autonomous District Council ka Jylla bad ia ka jingshakri jong ki nonghikai la khein kum ki “Non Government” (bym dei jong ka Sorkar).
Ka Synjuk kala dawa la slem ban shimti lang noh ia ka jingshakri jong ki, kaba la pynurlong dang shen da ka Sorkar MDA ba ialam da ka National Peoples Party (NPP).
Haba kren ha ka jingialang, u Myntri Rangbah ka Jylla ula pynkynmaw ha ka jingialang halor u (L) PA Sangma bad ka jingpynleit jingmut jong u ban pynjanai ia ka kam pule dangle hapoh ka Jylla.
“Lada ngi dei ban wanrah ia ka jingkylla, ngi hap ban buh hakhmat eh ia ka pule ka dangle” ong u Conrad haba sot ia ka jingkren u PA Sangma.
“Ka Sorkar kala pynlut jan T.2500 klur ha ka pule ka dangle. La ka dei ha ka kyrdan primary deficit ne adhoc, nonghikai SSA ne ka jingtei ia ki Iingskul” bynrap u Myntri Rangbah.
U Myntri Rangbah ula ong ruh ba ka Sorkar Jylla kala kut jingmut ban nang pynbun ia ka jingkynshew pisa ha ka liang ka pule ka dangle.
“Ngi donkam ban nang kynshew bun ha ka pule ka dangle ban wanrah ia ka jingkylla bad ban pynjanai ia ka kam pule dangle ha ka Jylla” ula ong.
“Ngi don shibun ki jingtynjuh la ka dei ha ka surok, ka koit ka khiah, ka bha ka miat ki nongrep, ka bording eletrik, ki samla hynrei ngi la trei ban wanrah iaka jingbha ha baroh ki liang” ula bynrap.
Haba pyntip ba ha kine ki 4 snem shiteng, ka Sorkar MDA kala trei shitom ban pynjanai ia ka pule ka dangle,u Myntri Rangbah ula ong “Ka Sorkar kala mang pisa haduh T. 250 klur ban maramot bad shna pynbha ia baroh ki skul kiba don ha ka Jylla”.
