Shillong, Nailar 27 : Ka University of Science and Technology Meghalaya (USTM) ha ka sngi Ba-ar kala pynkup burom da ka D.Litt. degrees ia ki arngut ki riewpawkhmat ka Assam bad Meghalaya – Zubeen Garg bad Lou Majaw – ha ka Tenth Convocation.
Nalor ka D.Litt Degree, haduh 1639 ngut ki samla pule kila shah pynkup burom da ki degree ha kaab haduh 17 ngut ki scholar kila ioh ia ka PhD Degree, 906 ngut kila ioh ia ka Post Graduate Degree bad 716 ngut kila ioh ia ka Undergraduate Degree.
U Zubeen Garg and Lou Majaw kila ioh ia ka D.Litt degree halor ka jingnoh synniang jong ka ha ka kam art & culture, ka jingsuk, ka jingshongshngain bad ka roi ka par jong ka imlang sahlang.
Ha katei ka Convocation la wan ban ïa sakhi lang da ki riew pawkhmat kiba kynthup ia ka Prof. Neelima Gupta, VC, Dr. Harisingh Gour University, U Prof. Dr. Ami U. Upadhyay, VC, Vice Chancellor jong ka skulbah Mizoram; U Prof. Dr. u Sat Prakash Bansal, u VC, Central University jong ka Himachal Pradesh, U Prof. Ganga Prasad Prasain, u VC ka Tripura University, u Prof. Saket Kushwaha, u VC. ka skulbah Rajiv Gandhi; U Prof. Prabha Shankar Shukla u VC, NEHU, Shillong u Dr. R.M. Pant, VC, ka skulbah Assam, Silchar lem bad kiwei kiwei ki riewpaw khmat naki jylla bapher bapher.
Haba kren ha katei ka jingïalang pynkup burom ïaki samla kiba la pyndep ïaki jingpule, u Chairman barim ka UGC u Prof Ved Prakash u ba la pynpaw shibun ki jingsngew ha ryngkat ka jingïaroh halor ka jinglah jong kane ka skul bah ban kyntiew shibun ha ka pule puthi ha kane ka thain bad ha kajuh kapor u la pynpaw ruh ba u don ka jingkyrmen ba ka jingnang jingstad kaba la ai lyngba ka skul bah kan sa nang iai kyntiew iaki khynnah kiba wan ban pule hakane ka skul bah kaba don ha ka jylla Meghalaya.
U Chancellor ka USTM u Shri Mahbubul Hoque u la pdiang sngewbha ïa baroh kiba la ïa wan ban shim bynta bad ban ïa don lang ha katei ka sngi kaba la pynlong ruh ka jingjop ka ba khraw ïa kane ka Convocation kaba 10.
U Chancellor ka USTM u la ong ruh, “Ngi don ïaka jing angnud ban kyntiew ïa kane ka skulbah kaba don hapoh ka jylla Meghalaya ban ïa katjuh ha ka kyrdan bad kiwei pat ki skul bah kiba la paw haka pyrthei dakaba kyrpad ruh ïa baroh ki nongïashim bynta ba kin ai ïaka jing ïa snohktilang ha ka jingpyrshang ban pynkylla ïa kane ka skulbah sha ka jaka pule kaba don ha ka kyrdan pyrthei bad ym tang ha ka kam pule kane ka skul bah ka ka tyrwa ruh ïaka jingïatreilang ha ka ban kyntiew ruh ïaka jaitbynriew”.
Khatduh, u Chancellor u la pynpaw ruh ka jingsngewnguh ïa ka Sorkar jylla Meghalaya kaba la ju don barabor ba syndah bad kane ka skul bah ban ai ïaka jingkyrshan naduh ba la seng ïa ka USTM.
