Shillong, Rymphang 05: U Myntri Rangbah ka jylla u Conrad K Sangma, hynne ka Lah Sngi u Blei ula pynkup burom ia ki nongialehkai kiba la jop ha ka Meghalaya Games 2024 bad Khelo India Youth Games 2024 ha ka jingialang kaba la long ha Soso Tham Auditorium, Shillong.
Ha kane ka jingialang la iadonlang ka Myntri ka koit ka khiah ka Kong Ampareen Lyngdoh, u Myntri ka kam Ialehkai u Bah Shakliar Warjri bad kiwei kiwei.
Haba kren haka jingialang u Conrad K Sangma, ula ai khublei iaki nongialehkai halor ka jingjop ka jongki bad ia ka jingwanrah nam bad burom ia ka jylla kaba dei ban ialehkmen.
The 5th Meghalaya Games 2024 held in Tura was a success with many hurdles but the team worked exceptionally hard to ensure the smooth functioning of the Games. I congratulate the team for their teamwork.
I once again congratulate all our athletes who have done themselves, their…
— Conrad K Sangma (@SangmaConrad) February 5, 2024
“Mynta ka taiew, ka long ka taiew kaba kongsan bad ha baroh shi lynter jong ka taiew ngin pynlong ia ki jingrakhe naka bynta ki samla haka kam iallehkai, kajingseng kam, ka tem ka put bad kino kino kiba ngi leh kindei kiba don bynta bad ki samla” ong u Myntri Rangbah.
Ula ong ba ka jingthmu ban pynkup burom bad ban ithuh iaka jingjop ki samla ka long kum ban ai mynsiem ia ki bad ba kin long kum kita ki samla kiban ai mynsiem ia kiwei pat.
“Nga kwah ban iathuh ia ki samla kiba don hangne mynta ka sngi, ba phi don ia ka bynta kaba khraw ym tang ban shu jopban ioh ia ka takma ne ban ioh ia ka khusnam hynrei ban long kum kita ki Role Model” ula ong.
U Myntri Rangbah ula ai khublei iaka MSOA bad ia ki Sports Associations bad iaka tnad Sports halor ka jingnoh synniang ka jongki ban pynlong ia ka Meghalaya Games kaba jop.
“Kila don katto katne ki jingeh, hynrei man la u snem, ngin pynthikna ba kane ka Games kan long kaba bha bad kaba heh bad ban weng ia kitei ki jingtynjuh” ong u Conrad.
Today we handed over incentives to winners of the 6th Khelo India Youth Games held in Tamil Nadu in a program held to felicitate Sports Achievers of Meghalaya.
We are proud of our Under 18 Football Team for their winning streak in the recently concluded Youth Games. The team… pic.twitter.com/EL5CsS0PpX
— Conrad K Sangma (@SangmaConrad) February 5, 2024
U Myntri Rangbah ula ai khublei ruh ia ka kynhun ialehkai Football kaba la jop iaka Khelo India Youth Games bad ula ong, ba kane ka kynhun kala pynsngew sarong ia ka jylla.
“Kila kylla long ki lahduh bad kane ka pyni iaka sap ka phong kaba ngi don bad ba ngi lah ban ioh lada ngi pynleit jingmut bad don ia ka jingmut kaba skhem” ula pynkut.
Hashwa kane, u Bah Shakliar Warjri ula pynkynmaw ia ki nongialehkai ba kidei ban pyndonkam bha ia ka pisa kaba ki ioh kum ka khusnam na ka bynta ban pyntbit shuh shuh ialade bad iaka sap kaba ki don.
“Ngi kum ka sorkar ngi ai jingithuh iaka jingtrei shitom ka jong phi kaba phi lah leh ban ioh mad ia ka jingjop bad ban ioh ia ka takma bad kane kam dei ban kut noh, phi dei ban don iaka thong ban poi shuh shuh shajrong namar phi dei ka lawei jong ka jylla” ong u Bah Shakliar.
Ha kane ka sngi, ki heh ki haiñ kila sam iaka song tyngka sha ki nongjop kiba la ioh khur ia ki takma ha ki jingialehkai ki bapher bapher.
