spot_img

Pynkup burom ka skul Nongpyiur ia ki Khynnah ba pass ia ka SSLC

Date:

Share post:

Shillong Jylliew 09: Da ka jingkmen ba ha ka sien kaba nyngkong eh, ba ki khynnah skul kila lah ban pass bha haka eksam matric ne Secondary School Leaving Certificate (SSLC) kaba dang shu dep, hynne ka sngi saitjain ka Nongpiur Secondary School, kaba don ha Upper Shillong kala pynkup burom ia ki khynnah skul kiba la wan shakhmat ha ka eksamin.

Ka long ka jingkmen bad jingsngew sarong ia ka shnong Nongpiur bad khamtam ia ka Nongpiur Secondary School haba, ha ka sien ba nyngkong ba ka skul ka ioh ban phah ia ki khynnah skul ban ialeh ia ka eksamin SSLC 2023 bad baroh kila pass bha bad ioh ia ka kyrdan kaba shakhmat.

U Karlos Dkhar ula ioh ia ka 1st Division, ka Samla Nangsanphylla Thawmuit bad u Samla Costriful Thawmuit kila ioh iaka 2nd Division.

La pynkup burom ia kine ki khynnah skul kum ka dak ban ai mynsiem ia ki ba kin bteng ban trei shitom bad ban minot thop ha ki jingpule ki jong ki ha kaba la iadonlang u Nongaibuit jong u Myntri Rangbah ka jylla u Bah Hamletson Dohling, u Rangbah Shnong ka Nongpiur u Bah B Dkhar, u Rangbah Shnong ka Myrkhan u Bah A Nongkynrih, Rangbah Shnong ka Laitmynsaw bah L Dkhar, ki riewrangbah, ki nónghikai ryngkat bad ki kmie ki kpa jong ki khynnah skul.

U bah Hamlet haba ai jingkren u la pynpaw ia ka jingsngewkmen ban iohi ia ka jingtrei shitom bad jingminot jong ki khynnah bad ki nónghikai kat haduh ba kíla ioh ban khếit ia u soh jong ka jingjop.

Ula kyntu ruh ia ki khynnah ba kín nang iai minot bad trei shitom ha ka jingpule jong ki.

Share post:

spot_img
spot_img

Popular

More like this
Related

Noh synniang u DyCM T.10 lak ban tei ia ka Iingmane Presbyterian ha Umplu

Shillong, Nailar 25 : Kum ka dak ka jingleh...

Kem ka ANTF ia 2 ngut ki nongkhaii trik na ka bos ha Tura

Shillong, Nailar 25: Ka Anti-Narcotic Task Force (ANTF) West...

Plie u CM ia ka Youth Mela| Wer ia ki Samla ban iashimbynta lang ha ka roi ka par ka Jylla

Shillong Nailar 25: U Myntri Rangbah ka jylla u...

Suba shah rahbor ka samla lud na dukan ha EWKH

Shillong, Nailar 25 : Kawei ka samla lud ba...