Shillong, Naitung 21: Ka National People’s Youth Front (NPYF) Shillong City hynne ka sngi Thohdieng, kala pynkupburom ia 40 ngut ki samla pule kiba wan shakhmat haka eksamin Secondary School Leaving Certificate (SSLC) bad Higher Secondary School Leaving Certificate (HSSLC) ka MBoSE ba dang shu dep pynbna result shen.
Ia kane ka jingsam khusnam sha ki samla ba wan shakhmat la pynlong ha U SoSo Tham Auditorium, Shillong bad ha kane ka sngi ka NPYF kala pynkupburom ruh ia u Swapnil Bhattacharya uba pass bha iaka eksamin UPSC civil services haka kyrdan 344 AIR.
Ia kine baroh la pynkurpburom da u Myntri Rangbah ka jylla u Conrad K Sangma haka jingdon lang u Symbud Myntri Rangbah ka jylla bah Sniawbhalang Dhar, u MDC bah Bajoplang Pyngrope lem bad kiwei kiwei de.
Haba ai jingkren u Conrad ula ong “Kane ka prokram kam dei tang ban pynkupburom iaki ba passa bha hynrei kadei ruh ban ithuh iaki samla kiba don shisha iaka jingthrang ban kiew shakhmat bad ban long ki nuksa iakiwei ki khun samla jong ka jylla Meghalaya”.
Kum shi bynta ban pynproh iaki samla, la pynlong ruh iaki Question & Answer (Q&A) hapdeng ki samla pule bad u Swapnil Bhattacharya.
Pule ruh: Sam u CM haduh 1010 tylli ki shithi thungkam Pulit iaki samla Kynthei bad Shynrang
 Shillong City hynne ka sngi Thohdieng, kala pynkupburom ia 40 ngut ki samla pule kiba wan shakhmat haka eksamin Secondary School Leaving Certificate (SSLC) bad Higher Secondary School Leaving Certificate (HSSLC) ka MBoSE ba dang shu dep pynbna result shen.){kind=link}