Shillong, Nailur 03 : Ka National People’s Party (NPP) ha ka sngi Palei, kala pynkup burom ia u MP ka Rajya Sabha ba dang shah thied thymmai James K Sangma ha ka jingialang ba long ha Tura.
U Myntri Rangbah ka Jylla bad National President ka NPP Conrad K Sangma ula iashimbynta lang ha kane ka jingialang.
Ki nongialam ka party kila pynkup burom ruh ia u Myntri Rangbah namar ka jingpynkylla ia ki rule ha kaban wanrah ia ka electoral roll la ka jong na ka bynta ka GHADC bad ka jingshim ia ki sienjam ban pynkhlain ia ka Council.
Kila iaroh ruh ia ka sienjam bala shim da ka Sorkar Jylla ban lah wanrah bad mynjur ia ka resolution ba pyrshah tih uranium ha Jylla hapoh ka Iingdorbar Thaw Ain.
La pynkup burom ruh ia u Chief Executive Member ka GHADC Dhormonath Sangma, Deputy CEM Stevie Marak, ki Executive Member bad ki MDC namar ka jingmynjur ia ka electoral roll la ka jong, pynreikam da ka kor digital ha ka jinglum khajna bad ai Trading Licence, bad wanrah ia ka Service Rules hapoh ka Council.
