Shillong,Nailur 3 : Ki bor district kila pynjari da ka no-drone zone ha ki katto katne ki bynta ka Shillong namar ka jingwan ba arsngi u Vice President ka ri India hangne ha sor.
Kat kum ka hukum hapoh ka kyndon 163 BNSS bala pynmih da u Deputy Commissioner ka East Khasi Hills Abhilash Baranwal ha ka sngi Palei, yn ym shah ban pynher drone hapoh ka 3-km radius jong ka State Central Library bad Lok Bhavan naduh ka 7 tarik Nailur haduh ka 8 tarik Nailur.
Ka hukum ka ong ba bun ki VIP bad ki kynrem ki lyndan kin iashimbynta ha ka jingialang bad ia kane ka jingpynjari kyndonkam la pyntreikam kum ki lad jingiada.
