Shillong, Jan 12: Ka Meghalaya Cricket Association, hapoh ka jingialam u President u Nababrata Bhattacharjee, kila pynkup burom ia u Devajit Saikia uban sa long kum u BCCI Honorary Secretary bad u Prabhtej Singh Bhatia ban sa shimti kum u Honorary Treasurer, hynne ka sngi hadien ba la pynbna ban pynlong ia ka elekshon ka jongki.
La pynlong ia ka jingialang kaba kyrpang jongka BCCI ha Mumbai mynta ka sngi na ka bynta ban pyndap ia kitei ki ar tylli ki kam kiba la thylli hadien ba u Jay Shah bad u Ashish Shelar, kila shimti noh ia ki kam ha ka International Cricket Council Chairman bad kum u Myntri Sorkar jongka Maharashtra.
U Saikia, uba bat baroh shi katta kum u BCCI Joint Secretary, ula shah jied khlem kano kano ka jingpyrshah bad kumjuh ruh u Bhatia uba dei u Apex Council Member.
U Bhattacharjee ula ai da ka jymphong bad ka Ryndia ia kitei ha kaba u Shah ula pynpaw kyrpang ia ka jingsngewtynnad halor kane ka rukom leh burom.
