Shillong, Nohprah 13: Ka Meghalaya Athletic Association (MAA) hynne ka sngi Thohdieng, ka la pynkup burom ïa u Rikangku D. Sangma da ka song pisa namar ka jingioh khur ïa ka takma rnong ha ka lympung ïalehkai Kids’ Javelin ha ka 39th National Junior Athletics Championship ha Bhubaneswar, Odisha.
U Rikangku D Sangma, u ba dang 12 snem ka rta, na ka shnong Karukol Jalaigre ha Garo Hills, u la thaw histori da kaba khur ia ka takma ha ka jingkawang kaba jngai haduh 51.91 meter.
Ia kane ka jingpynkup burom la pynlong ha Conference Room jong ka Meghalaya State Olympic Association, JN Stadium, Polo haka jingdon lang u President ka MAA u Bah EMH Passah, u Secretary u Bah Finely L. Pariat, u Vice President u Bah Joel Marbaniang lem bad kiwei kiwei de.
Haba kren ha kane ka jingïalang, u Secretary u Bah Finely L. Pariat u la pynpaw ïa ka jingkmen halor ka jingjop jong u Rikangku, da kaba kdew ba u dei u nongïalehkai ba ar na Meghalaya ban khur ïa ka takma ha ka National Junior Athletics Championship.
U la ai khublei ïa ka jingïatreilang jong ka tnad Sport bad ka Association ha kaba pynroi ïa ki samla kiba don sap, da kaba bynrap ba kane ka jingjop ka pynpaw ïa ki “soh jong ka jingtrei shitom jong ki”.
U Bah Pariat u la pynpaw ruh ia ka jingsngewnguh ia ka kong Daicy Marwein kaba long ka State Athletic Coach, bad ka kong Plesantly Synnah kiba la aiti lut ha ka ban ai jinghikai ia u Rikangku, khamtam lyngba ki online coaching session namar ka jingsah jong u ha Baghmara.
U la ban jur ba ka jingpyniaid jong ki ka la long ka atiar ban pynwan dur ia u Rikangku kum u nongialehkai uba la jop takma.
 hynne ka sngi Thohdieng, ka la pynkup burom ïa u Rikangku D. Sangma da ka song pisa namar ka jingioh khur ïa ka takma rnong ha ka lympung ïalehkai Kids’ Javelin ha ka 39th National Junior Athletics Championship ha Bhubaneswar, Odisha.){kind=link}