Shillong, Rymphang 21: Ka KSU Sengkmie, kala pynkup burom ia 9 ngut ki samla ialehkai ka Bri u Hynniewtrep kiba wanrah burom ia ka Jaitbynriew da ka jingjop jong ki ha ki kyrdan iakhun bapher bapher ha ka lympung Rhino Fighting Championship-North East Tournament ba long ha Assam.
Ia Rhino Fighting Championship North East Tournament la pynlong ha Sivasagar, Assam ha ka 18 tarik u Rymphang 2024.
Ka KSU ba la lam Khmat da u Sports Secretary samla Eric Nongkynrih, kala pynkup burom ia kine ki nongialehkai ha ka jingialang kaba la pynlong hynne ka 21 tarik Rymphang hapoh ka Ophis treikam jong ka seng kaba don ha Jaiaw.
U samla Eric u la pynpaw ia ka jingkmen ba kum ki samla ka Jaitbynriew kila sdang ban kynjoh kham shajrong ha ki kam ialehkai bad ong ba kum ka Seng ka sngew shong hok ban pynkup burom iaki kum ka dak jong ka jingpynshur ba kin dang trei shitom shuh shuh nangne shakhmat.
Ula ong ba kane ka jingjop jong kine ki nongialehkai ha ki kyrdan bapher bapher ka la kyntiew nam ym tang ia ka kyrteng jong ki hynrei ia ka Jaitbynriew Khasi baroh kawei.
Ki Samla kiba la ioh khur takma ha kane ka tournament ki long-:
1) Kitbhahmi wann( GOLD) 48kg K1
2) Fedrick khongsit( GOLD)
(8 men tournament below 57kg men K1)
3) Daniella I Wanda mylliemngap (GOLD)female 57kg K1
4) Bryan suting (GOLD) below 61kg K1
5) Obadaia kelphung ( SILVER)
(8 way men k1 silver below 57kg)
6) Jefferson.Lyngdoh Kynshi (GOLD) Main Event men 61kg MMA
7) THOMAS SUCHIANG (GOLD)K1 57kg
8) SYNROP WAHLANG (GOLD) 52kg MMA
9) IARAPBOR NONGRUM (SILVER) K1 Below 52kg
10) BANTIPLANG KHONGWIR (GOLD) K1 below 70 kg.
