Nongpoh, Rymphang 01: Ki nongialam ka Hynniewtrep Youth Council (HYC), Ri Bhoi Sepngi, mynta ka sngi ka la pynkup burom ia u samla Stephan Ranee, u ba dei u rangialehkai football ba la mihkhmat ia ka Ri Bhoi District ha ka 5th Meghalaya Games kaba dang shu kut shen ha nongbah Tura.
Kane ka jingpynkup burom ia u ne u rangialehkai football da ka HYC ka la long ruh, hadien ka jinglah jong u samla Stephan Ranee ban ialehkai bha bad la ka kynhun na Ri Bhoi District kaba la iohrah ia ka takma ksiar ha kane ka Meghalaya Games.
Ha kane ka sngi, la ia donlang da u Samla RC. Thangkhiew, Vice President ka HYC, u Sorbar ka shnong Patharkhmah u Bah Petelman Thangkhiew, u Secretery ka shnong Patharkhmah u Bah Sintalis Sankli bad u president ka Patharkhmah Youth club u Remington Syngkli.
Na ka liang, ki nongkren ha kane ka sngi, ki la ai ka jingiaroh bad ka jingkitbok kitrwiang ia u samla Stephan Ranee ba un nang lah ban kiew ha kane ka kam ialehkai football bad ruh ban long ka nuksa kaba bha ia kiwei kiwei pat ki samla kiba don ia ka sap ialehkai football hapoh ka thain Patharkhmah bad kiwei kiwei.
, Ri Bhoi Sepngi, mynta ka sngi ka la pynkup burom ia u samla Stephan Ranee, u ba dei u rangialehkai football ba la mihkhmat ia ka Ri Bhoi District ha ka 5th Meghalaya Games kaba dang shu kut shen ha nongbah Tura.){kind=link}