Nongpoh, Jylliew 11: Ka Federation of Khasi Jaintia and Garo People (FKJGP), North Khasi Hills District, hynne ka sngi U Blei, ki la pynkup burom ia ka samla Rinalis Ingthi, ka samla kaba la ioh ban khur ia ka takma rnong ha ka jingiakop Athletic na ka lympung 66th National School Games 2023 ba long ha Bhopal naduh ka 6 tarik haduh 9 tarik u Jylliew.
Ka FKJGP-NKH hapoh ka jingialam u General Secretary Shanlang Diengdoh, kila pdiang burom ia kane ka samla hynne ka sngi ha Nongpoh hadien ka jingwan phai na kane ka lympung ialehkai ka Ri.
Haba ai jingkren ha kane ka jingpdiang burom, une u Nongialam ka FKJGP u la pynpaw ia ka jingkmen kaba khraw ba ki samla jong ka Ri Bhoi District ki la nang kiew ha ka kam ialehkai sport bad iai tynshain ruh lyngba ka jingioh jong ki ban khur ia ki takma bapher bapher na ki lympung ialehkai sport kiba la pynlong hapoh kane ka jylla ne wat sha ka National bad International level.
Une u nongialam ka FKJGP u la kitbok kitrwiang ia kane ka samla ialehkai lem bad kiwei kiwei ruh ba kin nang kiew ha ka kam ialehkai sport bad ba kin nang lah ban wanrah ia ka nam ka burom ia ka jylla.
