Shillong, Naiwieng 04: Ka jingiashrut hapdeng u Vice Chancellor (VC) ka skulbah NEHU bad ka Joint Action Committee (JAC) ba kynthup ka NHEUTA, NEHUNSA, NEHUSA kala neh la bun sngi haba iadei bad ka jingdawa ban wengkam ia u Consultant u Rohit Prasad bad ban pynurlong ia bun tylli kiwei ki jingdawa kiba ktah iaka bha ka miat ki samla pule bad ki nonghikai ka skulbah.
Watla ka JAC kala ai por ia u VC hapoh ka 13 tarik Naiwieng ban wengkam ia u Consultant ka NEHU u Rohit Prasad hynrei naka liang u VC ula pynksan ba ym lah ban wengkam ia u Rohit khlem kano kano ka daw.
Haba kren sha ki lad pathai khubor u VC ka NEHU u Prof Prabha Shankar Shukla ula kyntait iaka jingdawa ka JAC daka ba ong ba kam shym la don kano kano ka jingthungkam be-ain bad ula ong ba ka Executive Council jong ka NEHU kala iaid katkum ki kyndon haba thungkam ia u Rohit.
“Ka jingthungkam ia u Contractual Technical Officer/Senior Consultant ka NEHU u Rohit Parsad ka long kat kum ka riti trei kam jong ka skulbah NEHU bad dei namar kane nga kwah ban pynshai ba kane ka jingdawa ka JAC kadei kaba khlem nongrim” la ong u VC ka NEHU u Prof Prabha Shankar Shukla.
U VC ula ong ba namar ka jingthungkam ka long katkum ka riti treikam, ym lah ban weng kam ia u Rohit Prasad khlem da don kano kano ka daw ka ba biang bad lada ka JAC ka don shisha iaki daw kadei ban ujor bad kane ban pynshai kiei kita.
U VC ula ong ba ka jingthung ia Rohit Prasad ka long ba la thung kontrak na ka bynta lai bnai bad la juh thung biang ka shong ka jinglah trei kam jong ki bad shuwa ban thung la khot ia ia ki aplikoshon hynrei ym don bat hep kumta namar ka jingdon kam kyrkieh ka kam la thung kontrak noh ia u ophsiar ba kyrpang.
“Ka jingthung ia u nongai buit jong ka skul bah u Rohit Prasad ka jingsiew ka long beit T.75,040 khlem don ka jingsiew ia ka bai leit bai wan jong bad ia kane ka jingthung la ioh ia ka jingmynjur na ka Executive Council kaba la ai bor ia u VC” ula ong.
 ka skulbah NEHU bad ka Joint Action Committee (JAC) ba kynthup ka NHEUTA, NEHUNSA, NEHUSA kala neh la bun sngi haba iadei bad ka jingdawa ban wengkam ia u Consultant u Rohit Prasad bad ban pynurlong ia bun tylli kiwei ki jingdawa kiba ktah iaka bha ka miat ki samla pule bad ki nonghikai ka skulbah.){kind=link}