Shillong, Jymmang 05 : Ka Kynhun Myntri ka Sorkar Jylla ha ka sngi Ba-ar, kala ai jingmynjur ban pynkylla ia ka Excise and Distillery rules ban pynkiew ia ka khajna jong ka kyiad ba wanrah na shabar ka Jylla.
“Ka Kynhun Myntri kala mynjur ia ka amendment jong ka Rule 375 jong ka Assam Excise Rules, 1945 bala pyntreikam da ka Meghalaya ban oh ia ka khajna na ki jaka mih ki bitor kyiad, bad amendment jong ka Rule 41(a) jong ka Assam Distillery Rules, 1945, bala pynteikam da ka Meghalata” ong u Myntri bad nongaiktien ka Sorkar MDA Bah Wailadmiki Shylla haba iakren bad ki nongthoh khubor hadien ka jingialang.
Ka jingpynthymmai ka pynkiew ia ka import duty jong ka kyiad bala wanrah sha Jylla na ka T.25 sha ka T.30 shi bulk liter.
Halor ka jingioh lum pisa, u Bah Shylla ula ong ba kane ka sienjam ka thmu ban pynbun ia ka jinglum pisa ka Jylla. “Khlem pep, kan don ka jingkiew ha ka jingpynmih pisa. Kane ka kam ka long ban pynbun ia ka jingpynmih pisa jong ka Jylla” ula ong.
Haba kylli la kane ka jingpynkiew kan ktah ia ki dukan die khutia, ula onng ba ki nongthied nongpeit kim dei ban shah ktah.
“Kam dei ban ktah ia ki nongdih shimet” bynrap u Bah Shylla
