Shillong, Nailur 10 : U MLA ka NPP na Raksamgre Limison D Sangma, ula pynkhreh ban shimti kum u Dy Speaker ba thymmai ka Iingdorbar Thaw Ain, hadien ka elekshon ban long la 12 tarik Nailur.
U Limison ula thep kyrteng hynne ka sngi Balang ban iakhun ia kane ka elekshon kum u kyrtong bad un dang long tang marwei na kiba thep kyrteng.
Ia ka kyrteng jong u la tyrwa da u Myntri Sorkar Marcuise N Marak bad u AT Mondal.
U Lamphang ka Iingdorbar Thomas A Sangma ula pynthikna ba naba ula ioh pdiang tang ia kawei ka jingtyrwa.
Ia kane ka elekshon la pynlong hadien ba u MLA ka NPP na Resubelpara Timothy D Shira, ula iehnoh ia ka shuki, da kaba pynpaw ba ka dei ka jingbthah jong ki nongialam ka party.
