spot_img

Pynkhreh ka WKHBA ïa ka rynsan ban jied ia ki nongialehkai sha ka National Games

Date:

Share post:

Nongstoiñ, Jylliew 23: Ka West Khasi Hills District Boxing Association (WKHBA) ryngkat ka jingïatreilang bad ka Meghalaya Boxing Association, kan pynkhreh ïa ka District Level Boxing Selection Trial ban jied ia ki nongialehkai ki ban mihkhmat sha ka 39th National Game ka ban long ha Jylla ha u snem 2027.

Kane ka selection trial kan long ha ka 4 tarik u bnai Naitung 2025, por 9 baje mynstep ha Indoor Stadium Nongstoiñ. Ka WKHBA ka wer ïa baroh ki nongïakura kiba la don sap ha ka kam ïa kura boxing ban wan sha kane ka jingjied.

Ki nongïa shim bynta kin long katkum ki kyrdan bapher (weight category) kaba long shynrang 47-50 kg, 50-55 kg 55-60 kg, 60-65 kg, 65-70 kg,75-80 kg,80-85 kg 85-90 kg 95 kg.

Ki kynthei pat 45-48 kg, 48-51 kg, 51-54 kg, 54-57 kg, 57-60 kg, 60-65 kg, 65-70 kg, 70-75 kg, 75-80 kg bad 80 kg. Ka karta kan long naduh 17 snem haduh 40 snem ka arta, kata kan long na ka bynta ki kynthei bad shynrang.

Ki nongïashim bynta kin wanrah ïa ki kot ki sla kum ka original Birth certificate certificate bad Adhar Card bad ki tiar shimet (Boxing Kit) kiba ju pyndonkam ha ka jingïalehkai boxing. Ïa ki jingtip ba tikna sngewbha phone ha u ne u No. 9366498825, pynkut ka kyrwoh na u bah D.Sun President WKHBA.

Share post:

spot_img
spot_img

Popular

More like this
Related

Assam records sharp decline in crime, surge in convictions: CM Sarma

Guwahati, Aug 29: Assam Chief Minister Himanta Biswa Sarma...

Kynnoh thmu leh beijot u Pulit Assam ia iwei i khynnah ha shnong khappud Ri-Bhoi

Nongpoh, Nailar 28 : Uwei u Pulit Assam la...

Ujor ki kynhun ka WKH sha u DC ba iai kyntur pud ka Assam ha Langpih

Nongstoin, Nailar 28 : Ki kynhun bapher bapher ka...

Shillong Premier League | Pynliem ka Nangkiew Irat da 5-1 kol ia ka Sawmer

Shillong, Nailar 28: Ka Nangkiew Irat kala pynrem ia...