Shillong, Nailur 10 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ha ka sngi Ba-ar, ula pyntip ba ka Tnad PWD kala pynkhreh ia ka Detailed Project Report (DPR) ban siang rong thymmai ia ki surok ha sor Shillong.
“Ngi la dep ban iarap ha ka jingialang ba long hapdeng ka tnad PWD bad ka Urban Affairs ba ka tnad PWD kan pynkhreh ia ka DPR ban siang rong thymmai ha sor” ong u Bah Sniawbha haba iakren bad ki nongthoh khubor.
Ula pyntip ba ka jingpynkhreh ia ka DPR kala jan dep artad.
Kat kum ka jingong jong u, ia kane ka rai la shim hadien ka jingpyrshang ban shna ia ki surok Smart Road hapoh ka Smart City Project kim shym la iahap satia.
