Shillong, Naitung 04: Ka Sorkar Meghalaya Democratic Alliance (MDA) kala pynkhreh mynta ban wanrah noh ia ka National Law Univeristy, ka ban tei ha ka jinglut jingsep ba T.6 klur shiteng hapoh ka Jylla
Kane ka rai kala mih na ka jingialang jong ka Kynhun Myntri ba long hynne ka sngi nyngkong hadien ka jingmynjur ia ka National Law University of Meghalaya Ordinance, 2022.
Cabinet has approved the National Law University Ordinance 2022. The University will function from a Temporary Campus for initial time & will be moved to a permanent campus with 60 students to be taken yearly.@dpradhanbjp @KirenRijiju pic.twitter.com/ku35wT08hH
— Conrad Sangma (@SangmaConrad) July 4, 2022
Haba iakren bad ki lad pathai khubor, u Myntri Rangbah ka Jylla Conrad Kongkal Sangma ula ong “Nga sngewkmen ban iathuh ha phi ba ka Kynhun Myntri kala mynjur ia ka Ordinance mynta ka sngi, kaba mut ba la mynjur ia ka National Law University ha Meghalaya”.
“Hooid kane ka Ordinance (ain rew) kan hap ban leit shuwa sha ka Iingdorbar Thaw Ain ka Jylla ban ioh ia ka jingmynjur ba khatduh hynrei ia ka rai ban wanrah ia ka National Law University la dep rai mynta ka sngi” ong u Conrad.
U Myntri Rangbah ula pyntip ba kane ka University kan sdang treikam noh na ka Campus ba shipor tad haduh ban da dep tei ia ka Campus ba pura. Haduh 60 ngut ki samla pule yn pdiang manla u snem.
U Conrad ula pyntip ba ka jingpynlut pisa jong ka Sorkar manla u snem naka bynta kane ka University kan long T. 6 klur shiteng, kaba shong ruh kat kum ki jingdon jingem bad ki jingtei ki ban sa tei ki ban sa iapher na uwei u snem sha uwei pat.
Ha kajuh ka por, ka Kynhun Myntri kala mynjur ban mang ia ki kam ki jam na ka bynta ka Model Degree College ha Rongjeng, East Garo Hills District. Dang ha ki khyndiat taiew, ka Sorkar kala mynjur ban mang ia ki kam ki jam hapoh ka Model College kaba don ha Patharkhmah.
