Shillong, Jylliew 12: Shi sngi hadien baka All Meghalaya SSA Non-Teaching Staff Association (AMSSANTSA) kala byrngem ban iakhih kynthup daka jingshah thngan, ka Sorkar Jylla kala pyntip ba shen kan sa khot iakren ban pynbeit iaki jingeh ba kine ki nongtrei ki iakynduh.
Ia kane la pyntip da u Myntri ka tnat Pule Puthi u Rakkam A Sangma bad ula ong ba ki mat ba ka AMSSANTSA ka pynsngew ki long kiba donkam.
Lah ban kdew baka AMSSANTSA ka ai por 15 sngi ia ka Sorkar Jylla bad iaka tnat Pule Puthi ban pyntreikam noh ia ka jingsiew tulop ba thymmai lym kumta, ki nongtrei ki mih madan ban iakhih kynthup daka jingshah thngan.
Haba iadei bad kane u Myntri ka tnat Pule Puthi ka Sorkar Jylla ula ong “Ka jingpynsngew jong ki ka long kaba donkam. Ka Sorkar ka shim khia iaka jingeh ki dkhot ka AMSSANTSA bad shen ka Sorkar kan khot iakren naka bynta ban iakren, kumno ban pynbeit iaki jingeh ba ki kynduh”.
