Shillong, Lber 30 : Ka Seng Khasi Mawlai kan pynlong ia ka Shad Suk Mynsiem ha ka 1 tarik bad 2 tarik u Iaiong, 2023 ha ka Lympung Shad jong ka Seng kaba don ha Mawlai Mawroh, ha lynti ban leit sha Umshing Mawkynroh.
Kane ka shad ka kmen ka long jingkynmaw bad jingainguh u khun Khasi Khara shi sien shi snem ïa U Blei, Trai, Kynrad, U Nongthaw – U Nongbuh najrong natbian ban neh la ka Hok, ka Riti.
Ka Seng ka kyrpad bad khmih lynti ïa ki para khun ka Ri ban ïapoi lang ha kane ka shad ka kmen bad ban ïa mih nongshad kynthei shynrang bad la ka riam ka beit pura, ban phuh ban phieng la ka kam, ban sah pyrto donburom la ka Ri.
