Shillong,Jymmang 28: Ka Meghalaya State Commission for Protection of Child Rights (MSCPCR) ka dang don hapdeng ka jingpynkhreh ia ki kyndon trei kam Standard Operating Procedures (SOP), ki ban pyntikna ia ka jingshngain bad ka bha ka miat jong ki khynnah kiba phah shabar ka jylla ban leit pule da ki seng trei mon sngewbha.
Haba kren sha ki lad pathai khubor, ka Agatha K. Sangma kaba dei ka Chairperson jong ka MSCPCR kala ong, “Ngi la ioh ia ki kaiphod bad la ioh sngewruh na kiba bun ki tyllong khubor shaphang ki khynnah kiba leit shabar ka jylla bad kiba sah ha ki jaka pule kiba long beain. Kila don ruh ki jingjia ba ki khynnah ki ioh ia ka bam ba long bih bad don ruh arngut kiba khlad”.
Ia kane ka Agatha K. Sangma kala pynpaw hadien ka jingialang jong ka inter-departmental kaba la long ban pynkhlain ia ki lad jingiada ia ki khynnah ha ka sngi Ba-ar.
Haba phai ha kaba iadei bad ka jingjia kaba dang shu jia shen ha kawei na ki hostel hapoh Karnataka ha kaba ar ngut ki khynnah na ka jylla Meghalaya kila khlad na ka jinglong bih ka bam katba 22 ngut kila poi shah sumar ha hospitalised, kala bynrap, “Kane kadei kaba sngewkhia bha ha kaba ia ki khynnah la shah ialam shabar jong ka jylla bad kum ka commission, ngi la pynlong ia ki jingialang bad ki tnad bapher bapher naduh ka tnad pule puthi, police, health, labour bad ruh jong ka law department.”
Shuh shuh ka Agatha kala ong, “Ngi la rai ba lum ka jingialang ban ia pyrkhat halor ka ka bynta bad ruh ban shim ia ki jingai jingmut na ki tnad trei kam bapher bapher. Ngin sa wanrah ia katto katne ki SOP bad ki jingbthah khnang ban pyntikna ba ki khynnah ba shah ialam shabar ka jylla yn shah tang hadien ba kila dep ban pynbiang ia ki jingdonkam baroh”.
Haba kren halor ka jingialang kaba la long ha ka sngi Nyngkong, ka Chairperson kala ong, “Mynta ka sngi ngi la ioh ia ki jingai jingmut kiba donkor bad kiba kongsan bha na ki tnad trei kam bapher bapher bad ynda ngi la ioh lut ia ki kot ki sla ngin da kmen eh ban sam leh sha phi, Hynrei kumba ka long mynta, ki don katto katne ki jingai jingmut kiba ngi la ïoh bad ngi donkam ban shim khia ïa ki.”
Ka Commission ka thmu ban thaw ia ki rukom treikam kiba shai ban iada na kino kino ki jingjia hadien habud bad ban pynthikna ba ka hok bad ka jingshngain jong ki khynnah kan nym shah ktah haba buh ia ki ha ki jaka pule shabar ka jylla Meghalaya.
 ka dang don hapdeng ka jingpynkhreh ia ki kyndon trei kam Standard Operating Procedures (SOP), ki ban pyntikna ia ka jingshngain bad ka bha ka miat jong ki khynnah kiba phah shabar ka jylla ban leit pule da ki seng trei mon sngewbha.){kind=link}