Pynkhreh ka MCA ia ki thei ialehkai cricket ban mihkhmat sha ki lympung 2025-26 ka BCCI

Ha u Nailur yn jied ia ki thei ban ialehkai na ki 25 ngut ba jied ka SWSC

Shillong, Naitung 28 : Ka Meghalaya Cricket Association (MCA) kala pynkhreh shaid shaid ha ka jingjied ia ki thei ialehkai jong ka senior category, ki ban mihkhmat ia ka Jylla sha ki samoi ialehkai hala Ri (domestic season) jong ka Board of Cricket Control in India (BCCI) na ka bynta u snem 2025-26.

Kat kum ka jingpyntp u Bah R.Kharkamni, Honorary Secretary ka Meghalaya Cricket Association, ki lympung ialehkai jong ka samoi 2025-26 na ka bynta ki senior women ka kynthup ia ka Senior Women T20 Trophy, ka ban long naduh ka 8 tarik Risaw haduh ka 15 tarik Risaw 2025 bad ka Senior Women ODI Trophy, ka ban long naduh ka 6 tatik Rymphang haduh ka 14 tarik Rymphang 2026.

Ka MCA halor ka jingai jingmut jong ka Senior Women Selection Committee ka MCA, kala jied ia ka thup ki 25 ngut ki thei ialehkai jong ka senior category, kaba la pynshong nongrim na ki jingialehkai jong ki hapoh ka MCA selection trial ba long ha Jagiroad, Assam, 2025 bad ka BCCI domestic season 2023-24 bad 2024-25.

Kine ki 25 ngut ki thei ialehkai ki kynthup ia 13 ngut na Ri-lum Khasi Jaintia, 5 ngut na Ri-lum Garo bad kiwei kiwei ki dei na Shillong bad na Ri-Bhoi District. Kine ki long :-

1. Luiza Tamang

2. Saiaka E Warjri

3. Saryti Kumari Ray

4. Ankita Sharma

5. Indariakor Kharwanniang

6. Debashmita Dutta

7. Neha Hajong

8. Ruby Chettri

9. Solina Jaba

10. Mansi Anand

11. Ajima A Sangma

12. Deiphibapynshngain L Mawnai

13. Sandria K Momin

14. Monica L Phawa

15. Riticia Nongbet

16. Monycable Marbaniang

17. Sildamicresha Marbaniang

18. Rebeldalis Syiemlieh

19. Blaridahun Dkhar

20. Sistilin Ryntathiang

21. Dianchidora Sangma

22. Janika Marak

23. Pilika Marak

24. Reitrki Poshna

25. Dublin Nengnong

Ka MCA kan sa pynlong ia ka final selection cum prepatory camp ha ka taiew ba nyngkong u Nailur ban jied ia ki thei ialehkai kiba ialehkai ha ki lympung ka BCCI.

Ka MCA kala kyntu ia ki 25 ngut ki thei ialehkai bala jied da ka Selection Committee ba kin kilan met hi dalade tad haduh da pyllait ia ki tarik jong ka selection cum prepatory camp.