spot_img

Pynkhreh ka Lynti Jam FC ban pynlong ia ka Sunfeast Cup 2023 ha Nongpoh

Date:

Share post:

Nongpoh, Risaw 17 : Ka Lynti Jam Football Center Meghalaya sa shisien pat kan pynlong biang ïaka Sunfeast Cup 2023 naka bynta ban kyntiew ïaka kam ialehkai haka jylla bad ha kane ka kynti ba mynta ïa katei ka lympung yn pynïalehkai ha madan Mawlein Mawkhan, Ri Bhoi, ka ban sdang naduh ka 26 haduh 31 tarik Risaw 2023.

Haba kren sha ki lad pathai khubor u President ka Lynti Jam Football Club Bah Sumar Swer u la ong ba kane kan dei ka sien ba 7 ba ka Lynti Jam Footbal Center kan pynlong ïa katei ka lympung ïalehkai haka jingïatreilang bad ka SPT Sports Bangalore ha kaba ka jingïakhun kan long haka kyrdan U-13 ki shynrang bad U-16 ki kynthei.

Ula wer ïa baroh ki kynhun ïalehkai naduh ki club, ki shnong bad ki skul ban wan shim bynta ha katei ka lympung, ka ban long ruh kum ka rynsan ia ki riewdonsap ba kin pyni iala ka sap ka phong haka kam ïalehkai phutbol.

U la pyntip ruh ba ka screening na ka bynta katei ka lympung kan long haka 23 tarik Risaw ha madan Saiden bad la kyrpad ruh baroh ki nongïashim bynta ba ki dei ban rah ïaki ID skul, Adhaar Card, Birth Certificate bad kiwei kiwei.

U la ong ruh ba kane ka lympung ïalehkai ka dei ruh ka lynti bad ka lad ïaki khynnah kiba don ka sap ba kin kiew shaphrang haka kam ïalehkai phutbol, namar ba yn jied ruh ïaki khynnah kiba kynsai ban shah pyntbit haki jaka hikai (Football Academy) bapher bapher.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...