Shillong, Nohprah 12: Ka Khun Hynniewtrep National Awakening Movement (KHNAM) ka la pyntip baka dang pynkhreh ia ka ‘kynhun kaba khlain bha’ ban iakhun ia ka elekshon sha ka Iingdorbar ka KHADC ka ban long ha u 2025.
“Ngi dang pynkhreh ïa ka kynhun kaba khlaiñ bha, kaba don kawei ka jingthmu bad kawei ka thong ban pynthikna ba naduh u snem ban wan, ngin sa ïohi ïa ka district council kaba kham bha ha KHADC khnang ba ngin bat ïa ka jingmut jong ka Sixth Schedule” ong u president ka KHNAM u Bah Thomas Passah.
“Kumba ka long mynta ka long kaba sngewsih haduh katta katta ban ïohi ba ka district council la ka long ki EC ne ki MDC kim shym la lah ban treikam katkum ka thong jong ka Sixth Schedule. Na ka liang jong ngi, ngi dang pynkhreh ïa ka plan kaba bniah bha halor kane” u la bynrap.
U Bah Thomas Passah u dei uwei napdeng ki 8 ngut ki kyrtong ban iakhun ia ka elekshon MDC na ka KHNAM na Jaiaw constituency.
U Bah Thomas u la ong ba ka SEC ka dang bishar ia ki kyrtong bad shen kan sa pynbna ia ka thup ba ar jong ki kyrtong na ka bynta ka elekshon MDC.
Haba pynpaw ba ka KHNAM ka wad ïa ka kynhun kaba biang bha, u Bah Thomas u la ong, “Ngi la dep ban kyntait 2-3 ngut ha ka wat kaba nyngkong. Ha ka bynta kaba ar, ki kyrtong, kiba la pan tiket, lada ngim iohi ha ki ia ka jinglong, ka jingthmu, ka mynsiem ban trei kat kum ka jingthmu jong ka Party, ka ban pynthikna ba ngin wanrah ia ka jingkylla ha ka district council, kito ki kyrtong ruh kin shah kyntait”.
Haba kylli, u Working President u la ong ba lada don ki kyrtong kiba tbit, thikna ba ka party kan pynieng ha baroh 29 tylli ki constiteuncy ha ka rilum Khasi.
 ka la pyntip baka dang pynkhreh ia ka ‘kynhun kaba khlain bha’ ban iakhun ia ka elekshon sha ka Iingdorbar ka KHADC ka ban long ha u 2025.){kind=link}