Shillong, Naiwieng 17: Ka Delimitation Committee jong ka Khasi Hills Autonomous District Council (KHADC) hynne ka sngi kala pynbna ban sdang noh iaka public hearing ha palat 23 tylli ki constituency kum shibynta na ka jingpynkhreh ia ka Delimitation Bill ne ka bill phiah constituency thymmai, hashuwa jong ka elekshon MDC ka ban long ha u snem bala lah.
Haba pyntip ia kane hynne ka sngi Thohdieng, u Chairman ka Delimitation Committee Dr S Kharsyiemlieh ula ong ba kane ka public hearing kan dei eh na ka bynta ban ioh ia ki jingpynsngew bad jingai jingmut jong ki paidbah na ki 23 tylli ki constituency, ka ban sdang naduh ka 21 tarik Naiwieng haduh ka 15 tarik Nohprah.
U Bah Kharsyiemlieh uba dei ruh u Judge bala shongthait ka Iingkashari District Council, ula ong b aka public hearing ha ki artylli ki constituency ka South West Khasi-ka Mawkyrwat bad Langrin kan long hapoh ka Ophis jong ka District Council ha Mawkyrwat ha ka 21 tarik Naiwieng.
Ha Mairang, Eastern West Khasi Hills kan long ha ka 24 tarik Naiwieng bad ha Shillong East Khasi Hills n aka bynta ka Sohryngkham, Mawkynrew, Nongkrem, Langkyrdem Laitkroh, Nongshken bad Mawsynram) kan long ha ka 28 Naiwieng.
Ha Sohra Civil Subdivision (ia ka Sohra bad Shella) yn pynlong ha ka 1 tarik Nohrah. Ha Nongpoh, Ri Bhoi (ia ka Jirang, Nongpoh, Mawhati, Umsning bad Umroi) yn pynlong ha ka 6 tarik Nohprah.
Ha Shillong (ia ka Mylliem, Laban-Mawprem, Nongthymmai, Laitumkhrah-Malki, Mawkhar-Pynthorumkhrah, Jaiaw, Mawlai, Mawphlang, Diengiei bad Nongspung-Sohiong) yn pynlong ha ka 13 tarik Nohprah bad ha Nongstoin, West Khasi Hills (ia Nongstoin, Rambrai-Jyrngam bad Mawshynrut) yn pynlong ha ka 15 tarik Nohprah.
Kine ki public hearing kin sdang naduh ka por 11 baje mynstep haduh ka por 4 baje janmiet.
“Ngi pdiang sngewbha ia ki jingpynsngew bad ki jingai jingmut na baroh ki kynhun bapher bapher. Kumta, ngi kyrpad ia ki paidbah ba kin wan shakhmat ban iashimbynta ha kane ka hearing” ula ong.
Halor ka jingkylli, u Bah Kharsyiemlieh ula ong ba ia mynta ka Mawlai ka dei kaba don bun eh ki nongthep vote kaba la kot ia palat 45000 ngut bad ka Laban-Mawprem ka dei kaba don duna eh kaba long tang 12000 ngut.
U iathuh ba ia kane ka committee la thaw halor ki jingkyrpad bala ioh da ka KHADC halor ka jingdonkam ban pynkynriah ia ki katto katne ki shnong na kawei ka constituency sha kawei pat.
“Ngi pyrshang ban pyndep kham kloi ia kane ka kam. Lada ngim lah ban pyndep, ka bor bat hung ia ngi kan sa shim ia ka rai hynrei ka jingthmu jong ngi hi ka long ban pyndep noh kloi ia ka kam” ong u Bah Kharsyiemlieh.
Kat kum ka jingong jong u, ka EC kam shym la buh satia ia kano kano ka por ban pyndep hynrei kala shu kyrpad ia ka Committee ban aiti kham kloi kat kaba lahia ka kaiphod.
 hynne ka sngi kala pynbna ban sdang noh iaka public hearing ha palat 23 tylli ki constituency kum shibynta na ka jingpynkhreh ia ka Delimitation Bill ne ka bill phiah constituency thymmai, hashuwa jong ka elekshon MDC ka ban long ha u snem bala lah.){kind=link}