spot_img

Pynkhlain ki BSF ia ka jingpahara ha khappud ba nang shyrkhei ki kam umsnam ha Bangladesh

Date:

Share post:

Shillong, Naitung 22 : Namar ka jingnang jur ki kam umsnam bad ka huri hura ha Bangladesh, ki shipai Border Security Force (BSF) ka Meghalaya Frontier, kaba pahara ia ka khappud Indo-Bangladesh ba 444 Km, kala pynkhlain bha ia ka bor pahara ha khappud da kaba pynlong ia ka ‘Ops alert’ ban pynthikna ia ka jingkhlain bor duh ha khappud.

U Inspector General (IG) ka BSF Meghalaya Harbax Singh Dhillon ula pynpaw ba kawei na ki jingsngewkhia ba hakhmat eh ia mynta ka dei ka jingwan phai suk ki samla pule ka ri India kiba pule ha Bangladesh.

U iathuh ba naduh ka 18 tarik Naitung, ki BSF-Meghalaya kila iarap ban pynrung haduh 574 ngut ki samla pule ka ri India, kumba 435 ngut ki samla pule na Nepal bad 8 ngut ki samla pule na Bhutan, kiba la wan lyngba ka Dawki Integrated Check Post (ICP).

U pyntip ba 18 ngut ki samla pule kila wan rung mynta ka sngi lyngba ka Kilapara ICP kaba don ha West Garo Hills District ka Jylla.

U IG ula bthah ia ki Heh BSF ba kin iarap ia ki nong India khamtam ki samla pule ba kin rung lyngba ka Dawki ICP bad Kilapara ICP bad ban ai ia ki ia ka umdih, jingbam ba ki dawai dashin lada donkam nalor ban iarap ia ki ba kin ioh kali ban wan sha ki jaka ba ki kwah ban leit. Ula pynpaw ruh ba ki dang don bun ki samla la khmih lynti ba kin sa wan phai noh namar ka jingbym shongsuk ha Bangladesh ka bym thikna lano ba kan kut.
Ula pyntip ba ka jingpahara kala khlain bha ha khappud ban pynthikna ba kam dei ban don ka jingrung beain ne jingrung tuh jong kino kino ki briew kam pher ki dei na kano kano ka ri.

Share post:

spot_img
spot_img

Popular

More like this
Related

Kynnoh thmu leh beijot u Pulit Assam ia iwei i khynnah ha shnong khappud Ri-Bhoi

Nongpoh, Nailar 28 : Uwei u Pulit Assam la...

Ujor ki kynhun ka WKH sha u DC ba iai kyntur pud ka Assam ha Langpih

Nongstoin, Nailar 28 : Ki kynhun bapher bapher ka...

Shillong Premier League | Pynliem ka Nangkiew Irat da 5-1 kol ia ka Sawmer

Shillong, Nailar 28: Ka Nangkiew Irat kala pynrem ia...

Shong bishar kam u CM halor ka Medical College, ki kam ialehkai bad ka JJM ha Tura

Tura Nailar 28: U Myntri Rangbah ka jylla u...