Shillong, Naitung 22 : U State Project Director of School Education & Literacy (DSEL) Swapnil Tembe hynne ka sngi Nyngkong, ula plie ïa ki ar tylli ki paiñkhana ha Diengpasoh Govt. LP school.
Ïa kine ki paiñkhana la bei tyngka da ka CSR Wing jong ka Eastern Panorama Offset bad ïa ka kam baroh kawei la kyrshan da ka Eastern Panorama Foundation & JCI Kamrup Elite.
Haba kren ha kane ka sngi, u Swapnil Tembe u la ai khublei ia ka Eastern Panorama Foundation bad ka JCI Kamrup Elite kiba la wan shakhmat ban thaw ia ki lad ki lynti kiba donkam na ka bynta kane ka skul Sorkar.
U Swapnil ula ai khublei ïa ki nonghikai bad ïa ki bor pynïaid skul kiba la bud ryntih ïa ki kyndon jingdonkam jong ka tnad pule puthi.
U Head Teacher jong ka Skul, u Bah Luis Mukhim u la pynsngew ha kane ka jingialang halor ka jingdonkam ia ki kamra klas ba kham heh namar ba ka jingpynrung kyrteng ka nang kiew man la u snem.
Naka liang u Jhunjhunwala, General Secretary jong ka Eastern Panorama Foundation u la ai khublei ia ka tnad pule puthi kaba la ailad bad u la pyntip ruh ia ki kam ban sa wan ki ban sa leh ha katei ka skul.
Kiwei kiba kren ha kane ka sngi, ki kynthup u Bah June Marwein, SDSEO.
Ha kane ka sngi la don lang ruh ka president jong ka JCI Kamrup Elite ka Madhulata Jhunjhunwala ryngkat ki dkhot jong ka kynhun jong ka Eastern Panorama Foundation bad ka kynhun na ka Poshan Abhiyan.
Ha kane ka jingïalang la pynlong ruh ïa ka quiz lyngkot haka ba u Swapnil Tembe ula sam iaki jingialehkai Chess bad iaki khusnam sha ki nongïashim bynta.
 Swapnil Tembe hynne ka sngi Nyngkong, ula plie ïa ki ar tylli ki paiñkhana ha Diengpasoh Govt. LP school.){kind=link}