Shillong, Jymmang 10 : Tang da ki kynta hadien ka jingiamynjur ban sangeh iasiat bad ther namding, ka Pakistan kala pynkhein ia kane ka jingia kular da kaba hiar thma lyngba ki drone bad jingther kuli ha ki jaka khappud.
U Myntri Rangbah ka Jammu & Kashimir Omar Abdullah ula pynphriang ia ki video kiba pyni ba ki shipai India kila pyntreikam ia ki air defence system ban siat ia ki drone jong ka Pakistan.
Kane ka jingpynkhein ia ka jingkular sangeh iasiat kala jia tang hadien 4 kynta ba pynbna ia kane ka jingiateh kular hapdeng ki artylli ki ri.
Ka Pakistan kala pynhiar thma da ki drone ha bun tylli ki jaka ba kynthup ha Srinagar, Barmer ha Rajasthan bad kiwei kiwei.
